Կորոնավիրուսից մահացել է Սերբիայի պատրիարք Իրինեյը

Նոյեմբերի 20-ի առավոտյան 90 տարեկանում կյանքից հեռացել է Սերբիայի պատրիարք Իրինեյը՝ ինստագրամյան էջում գրել է Սերբիայի նախագահ Ալեքսանդր Վուչիչը։ Պատրիարքը մահացել է Բելգրադի հիվանդանոցներից մեկում, որտեղ բուժում էր ստանում COVID-19-ի դեմ։

«Ինձ համար պատիվ էր Ձեզ ճանաչելը։ Ձեզ նմանները երբեք չեն հեռանում», – գրել է Վուչիչը։ Պատրիարք Իրինեյը կորոնավիրուսային վարակի պատճառով Բելգրադի Բարաբուրման ռազմական հիվանդանոց էր տեղափոխվել նոյեմբերի 4-ին։ Նոյեմբերի 19-ին, Սերբիայի ուղղափառ եկեղեցին հայտնել էր նրա առողջական վիճակի վատացման մասին։ Հաղորդվում էր, որ բժիշկների խորհուրդը ՌԴ-ից ժամանած բժիշկների հետ հետևում է պատրիարքի կլինիկական վիճակին։

Աղբյուր՝ Irates.am