Բարսելոնայի նախագահ դառնալն իմ երազանքն է. վստահ չեմ, որ այն իրականություն կդառնա. Պիկե

ԵՐԵՎԱՆ, 28 ՆՈՅԵՄԲԵՐԻ, Armsport.am: «Բարսելոնայի» կենտրոնական պաշտպան Ժերար Պիկեն խոսել է ակումբի նախագահ դառնալու իր երազանքի մասին, տեղեկացնում է Marca-ն:

«Առաջիկա ընտրություններին չեմ մասնակցի, քանի որ դեռ գործող ֆուտբոլիստ եմ, բայց ունեմ նման երազանք:

Ամբողջ սրտով սիրում եմ այս ակումբը և ցանկանում եմ զարգացնել այն:

Այդուհանդերձ, վստահ չեմ, որ իմ այս երազանքը մի օր իրականություն կդառնա»,-ասել է Պիկեն:

Հիշեցնենք, որ Պիկեն այժմ ծնկի վնասվածք ունի և մոտ 4 ամսով դուրս է մնացել շարքից:

Հավելենք, որ կատալոնական ակումբի նախագահի ընտրությունները կանցկացվեն 2021 թվականին: