«Իսլամական պետության» շուրջ 200 գրոհային փախուստի է դիմել Սիրիայի բանտից

ԵՐԵՎԱՆ, ՀՈՒՆՎԱՐԻ 29, Times․am: Սիրիայի բանտերից մեկի վրա հարձակումից հետո «Իսլամական պետության» շուրջ 200 գրոհային փախուստի է դիմել։ Այս մասին գրում է New York Times-ը։

Ամերիկյան պաշտոնյաներից մեկը, որի անունը նշված չէ, ենթադրում է, որ բանտի վրա հարձակման հնարավոր նպատակը եղել է վերին և միջին օղակների որոշ տեռորիստների ազատ արձակումը, այդ թվում այն գրոհայինների, որոնք տիրապետում են հատուկ գիտելիքների, օրինակ, ռումբերի պատրաստումը։

Տեռորիստների փախուստի մասին ավելի վաղ հայտնել է հակամարտող կողմերի հաշտեցման ռուսական կենտրոնի ղեկավարի տեղակալ, կոնտր-ադմիրալ Օլեգ Ժուրավլյովը։

Նրա խոսքերով, գրոհայինների ոչնչացման օպերացիային մասնակցում են ԱՄՆ ռազմաօդային ուժերը։ 

Ժուրավյոլվը նաև զգուշացրել է, որ ավիացիայի կիրառումը կարող է հանգեցնել քաղաքացիական օբյեկտների ոչնչացմանը և խաղաղ բնակչության շրջանում զոհերի։