ԵՐԵՎԱՆ, ՍԵՊՏԵՄԲԵՐԻ 7, Times․am: Նաիրի Հոխիկյանը գրում է.

Բերձորը և Աղավնոն թշնամուն հանձնելուց հետո, երբ փոխվեց նաև ճանապարհը, շատ հայերի մոտ անհանգստություն առաջացավ Գորիս-Ստեփանակերտ երթուղու վիճակի ու անվտանգության առումով։ Իհարկե, Արցախի իշխանությունները բազմիցս հայտարարել են, որ նոր երթուղին անվտանգ է և պահպանվում է ռուս խաղաղապահների կողմից, բայց քանի որ հանրության կողմից կա անվստահություն, մարդիկ թերահավատորեն են վերաբերվում։

Օրերս ինքս հերթական անգամ անցա Լաչինի նոր միջանցքով, կրկին ուսումնասիրեցի այդ ճանապարհը, բայց ինչպես ժողովրդական ասացվածքում է՝ ավելի լավ է մեկ անգամ տեսնել, քան հազար անգամ լսել։

Նկարահանել եմ ճանապարհն ամբողջությամբ, որպեսզի ինքներդ տեսնեք, թե ինչպիսին է այն ու ովքեր են հսկում դրա անվտանգությունը։