Արաբական Միացյալ Էմիրություններում Հայաստանի Հանրապետության դեսպանությունում Աբու Դաբիի, Դուբայի եւ Հյուսիսային Էմիրությունների ազգային վարչությունների մասնակցությամբ սեպտեմբերի 19-ին սկսվել է Հայաստանի Հանրապետության Անկախության 22-րդ տարեդարձին նվիրված հանդիսությունների շարքը: Ինչպես «Արմենպրես»-ին տեղեկացրին ՀՀ արտգործնախարարության մամուլի, տեղեկատվության եւ հասարակայնության հետ կապի վարչությունից, Հա? ?աստանի Հանրապետության օրհներգին հաջորդել են Տերունական Աղոթքը եւ ՀՀ նորընծա քաղաքացիների անձնագրերի հանձնումը:
Օրվա պատգամով հանդես է եկել ԱՄԷ-ում ՀՀ արտակարգ եւ լիազոր դեսպան Գեղամ Ղարիբջանյանը: ՀՀ դեսպանն իր ելույթում ներկայացրել է Հայաստանի Հանրապետության անկախության անցած ուղին ու ձեռքբերումները եւ անդրադարձել ՀՀ արտաքին ու ներքին քաղաքականության հարցերին: Այնուհետև իր մաղթանքը փոխանցել Կաթողիկոսական փոխանորդ Տեր Մեսրոպ վարդապետ Սարգիսյանը: Երեկոյի գեղարվեստական բաժնից հետո տեղի է ունեցել հյուրասիրություն:
