ՄԻԵԴ-ը կրկին մեղավոր է ճանաչել Թուրքիային
![ՄԻԵԴ-ը կրկին մեղավոր է ճանաչել Թուրքիային](https://times.am/v3/wp-content/uploads/2014/07/44520.png)
Նմանատիպ
Մարդու իրավունքների եվրոպական դատարանը (ՄԻԵԴ) Թուրքիային մեղավոր է ճանաչել Մարդու իրավունքների եվրոպական համաձայնագրով սահմանված անձի կյանքի իրավունքը ոտնահարելու մեջ:
Ինչպես հաղորդում են թուրքական ԶԼՄ-ները, այս մասին ՄԻԵԴ-ը նշել է 2006 թվականին Դիարբեքիրում խաղաղ ցույցի ժամանակ թուրք իրավապահների կողմից օգտագործված արցունքաբեր գազի պարկուճի հարվածից մահացած քաղաքացի Թարըք Աթաքայայի դատական գործով հրապարակած վճռում: ՄԻԵԴ-ը թուրքական պետությունը մեղավոր է ճանաչել նաև սպանության համար պատասխանատու անձանց նկատմամբ պատշաճ քննություն չիրականացնելու համար:
Եվրոպական դատարանի որոշման համաձայն, դատական ծախսերի հետ Թուրքիան տուժող կողմին պետք է 70 հազար եվրո փոխհատուցում վճարի: ՄԻԵԴ-ը Թուրքիային նաև զգուշացրել է, որ դարձյալ կդատապարտի, եթե ցուցարարների դեմ շահագործման սխալ պայմաններով արցունքաբեր գազ կիրառվի
Հետևեք մեզ նաև Telegram-ում