«Շախտյորի» գլխավոր մարզիչ Միրչա Լուչեսկուն մեկնաբանել է Ուկրաինայի առաջնության հերթական տուրում «Չեռնոմորեցի» նկատմամբ տարած հաղթանակը:
-Շատ հետաքրքիր հանդիպում ստացվեց: Երկու թիմերն էլ լավ տեմպով էին հանդես գալիս: «Չեռնոմորեցը» խադում էր առանց պարտության անցկացրած ինը հանդիպումներից հետո, իսկ դա արդեն շատ բան է նշանակում: Իսկ մենք ցանկանում էինք դուրս գալ խաղադաշտ ու ապացուցել, որ ներկայումս լավագույն թիմն ենք Ուկրաինայի առաջնությունում: Շատ կարևոր էր «Բորուսիայի» հետ հանդիպումից հետո դուրս գալ խաղադաշտ ու դիտարժան, գեղեցիկ խաղ ցուցադրել:
Գոհ եմ իմ խաղացողներից, քանի որ նրանք առաջինից մինչև վերջին րոպեն կենտրոնացած էին հանդիպման վրա: Շատ քիչ էին սխալներն ու խոտանը: Կուզենայի ընդգծել Գրեչիշկինի հաջող նորամուտը. մենք գիտեինք, որ նա կարող է հանդիպումն այս մակարդակի վրա անցկացնել: Նույնը վերաբերում է նաև Մայկոնին,- ռումինացի մասնագետին է մեջբերում դոնեցկյան թիմի պաշտոնական կայքը:
