Մոուրինյո. Ի տարբերություն Անգլիայի ու Իտալիայի` Իսպանիայում դժվար է պորտուգալացի լինել

Մադրիդի «Ռեալի» գլխավոր մարզիչ Ժոզե Մոուրինյոն պորտուգալական ԶԼՄ-ների հետ զրույցում ասել է, որ պորտուգալացիների համար դժվար է Իսպանիայում:

-Ես չեմ կարդում իսպանական թերթեր, ու ինձ չի հետաքրքրում իսպանական հեռուստատեսությունը: Բանը նրանում է, որ Իսպանիայում դժվար է պորտուգալացի լինել: Բայց ինձ վրա դա չի անդրադառնում ու ես այդ մասին չեմ մտածում: Ու ոչինչ չի մոտիվացնում ինձ այնքան, որքան այն, որն ինձ համար ամենակարևորն ու էականն է: Անգլիայում կամ Իտալիայում ես երբեք չեմ զգացել, որ պորտուգալացի լինելը դրական կամ բացասական բան է,- ասել է Մոուրինյոն: