Պիրես. Չեմ կարող պատկերացնել, որ Վենգերը կլքի «Արսենալը»
30/03/2013 15:18
Նմանատիպ
Լոնդոնի «Արսենալի» լեգենդ Ռոբերտ Պիրեսը չի հավատում, որ թիմի գլխավոր մարզիչ Արսեն Վենգերը կհեռանա իր պաշտոնից:
Նախկինում լուրեր էին շրջանառվում, որ ֆրանսիացի մասնագետը ամռանը կարող է գլխավորել «ՊՍԺ»-ն, սակայն Պիրեսը իրադարձությունների այդպիսի զարգացմանը չի հավատում:
-Իհարկե, Վենգերը կարող է ընդունել ցանկացած մարտահրավեր, ու «ՊՍԺ»-ն բացառություն չէ: Սակայն ես նույնիսկ չեմ կարող պատկերացնել, որ Վենգերը կհեռանա «Արսենալից»:
Եվրոպայում «Արսենալը» ասոցացվում է բացառապես Վենգերի հետ: Արսենը կառուցել է այս թիմը: Սակայն եթե նա որոշի հեռանալ, ապա վստահ եմ, որ նա կարիերայի շարունակության բազմաթիվ տարբերակներ կունենա: Ու մենք կարող ենք խոսել ոչ միայն փարիզյան թիմի մասին,- ասել է Պիրեսը Le Sport 10-ի հետ զրույցում:
Հետևեք մեզ նաև Telegram-ում