Բեքհեմ. «Բարսան» եզակի թիմ է

«ՊՍԺ»-ի կիսապաշտպան Դևիդ Բեքհեմն, ով «Բարսելոնայի» հետ Չեմպիոնների լիգայի 1/4 եզրափակչի առաջին խաղում հենց սկզբից դուրս եկավ դաշտ, խոսել է այդ և պատասխան հանդիպման մասին.

-Մինչև «ՊՍԺ»-ն Չեմպիոնների լիգայում ձեր վերջին խաղը 2010-ին էր, երբ խաղում էիք «Միլանում»: Ինչպե՞ ս անցավ նոր հանդիպումը:

-Փարիզ գալով շատ լավ հասկանում էի, որ համբերություն պետք է դրսևորեմ և ոչ մի ծրագիր չէի կազմում Չեմպիոնների լիգայի հետ: Բայց նորից խաղացի առաջնությունում ու այն էլ «Բարսայի» պես թիմի դեմ. յուրահատուկ իրադարձություն էր:

-Ի՞ նչ է նշանակում դիմակայել կատալոնյան կիսապաշտպանությանն ու գնդակի հանրահայտ վարահսկողությանը:

-Չավիի և Ինյեստայի պես ֆուտբոլիստների հետ միշտ բարդ է: «Բարսայում» բոլոր ֆուտբոլիստներն են գնդակով իրենց վստահ զգում. դարպասապահից մինչև հարձակվող: Բայց պետք է խոստովանեմ, որ մեծ հաճույք ստացա մեր խաղից: «Բարսան» եզակի թիմ է: Յուրաքանչյուր դրվագում մրցակցին բարդ իրավիճակի մեջ է դնում:

-Իբրահիմովիչը հանգիստ չտվեց նրանց պաշտպաններին: «Բարսայի» պաշտպաններն անընդհատ ստիպված էին հսկել նրան:

-Իբրան Ֆիզիկապես ամուր խաղացող է, առաջին խաղում նա «Բարսային» բավականաչափ խնդիրներ առաջադրեց: Երբ թիմում նման ֆուտբոլիստ կա, նա ցանկացած պահի կարող է գոլային պահ ստեղծել:

-Ի՞ նչ եք սպասում «Նոու Կամպի» հանդիպումից:

-«Բարսայի» դեմ բոլոր խաղերը վտանգավոր են, իսկ «Նոու Կամպում» ցանկացած թիմի է դժվար: Բայց հիանալի կլինի նորից այնտեղ խաղալ: Չէ որ ես 10 տարի առաջ հաղթել եմ այնտեղ «Ռեալի» հետ: Կարծեմ մենք 3:1 հաշվով հաղթեցինք: Մեզ շատ լարված խաղ է սպասվում, սակայն հենց դա էլ ինձ դուր է գալիս:

 -Պատասխան խաղում նորից կընդգրկվե՞ք հիմնական կազմում:

-Տեսնենք:Իհարկե, ես կցանկանայի:Ես զարմացա, երբ Անչելոտտին ինձ հնարավորություն տվեց սեփական հարկի տակ խաղալ առաջին իսկ րոպեներից. չէ որ ես վերջերս եմ տեղափոխվել թիմ: Շատ ուրախ եմ, որ մարզիչն բարձր է գնահատում իմ հնարավորությունները:

-Կա՞ հնարավորություն, որ «ՊՍԺ»-ն կհաղթի և կանցնի կիսաեզրափակիչ:

-Դժվար կլինի, բայց չկա անհնարին ոչինչ: Մենք պետք է Բարսելոնա ուղևորվենք հաղթանակի հավատով:

-Ի՞նչ առավելություններ ունեք մյուս ֆուտբոլիստների համեմատ, որ կարողանում եք այս տարիքում բարձրորակ խաղ ցուցադրել:

-Կա մի բան, որ չի փոխվել դեռ անցյալ տարիներից: Ես շարունակում եմ իմ թիմակիցների նման մարզվել ամեն օր’ մարզիչի վստահությունը ձեռք բերելու համար: Գիտեի, որ հեշտ չի լինելու, բայց տվյալ պահին ես գոհ եմ գործերի ընթացքից:

-«ՊՍԺ»-ն մտադրված է երկարաձգել Ձեր պայմանագիրը մինչև մրցաշրջանի վերջ: Պատմությունը շարունակվու՞մ է:

-Ես հասկանում եմ, որ այնքան երիտասարդ չեմ, որ երկար ժամանակով ինչ-որ բան ծրագրեմ կարիերայումս: Այդ պատճառով եկեք սպասենք մրցաշրջանի ավարտին: Հիմա ուզում եմ հաճույք ստանալ եվրոպական ֆուտբոլ վերադառնալուցս:

Հետևեք մեզ նաև Telegram-ում