0.1 C
Yerevan

Վ.Ոսկանյան. Չի բացառվում, որ Պակիստանի ընդունած բանաձևը գնվել է ադրբեջանական նավթադոլարներով

Նմանատիպ

Վհուկների որս Ադրբեջանում։ Բաքուն հայտնում է իրանական լրտեսներ ձերբակալելու մասին

Ադրբեջանի հատուկ ծառայությունները երկրում գործող իրանական գործակալական ցանց են...

Պուտինի սպառնալիքները Մեծ Բրիտանիային․ Միջազգային լրահոս

Տարածաշրջանային և միջազգային կարևոր զարգացումները Times.am-ի դիտակետից։ Ի՞նչ է...

Տարածաշրջանն անցած շաբաթ

Times.am-ը շարունակում է ուշադիր հետևել Հայաստանում և նրա շուրջը...

Իրանագետ, ԵՊՀ Արևելագիտության ֆակուլտետի փոխդեկան Վարդան Ոսկանյանն անդրադարձել է Պակիստանի Սենատի կողմից վերջերս ընդունած այսպես կոչված «Խոջալուի ցեղասպանության» մասին բանաձևին: Իրանագետի տարածած ուղերձում մասնավորապես ասվում է.

«Այս տարվա փետրվարի 1-ին, Պակիստանի Սենատի միջազգային հարաբերությունների հանձնաժողովի նիստում ընդունվել էր մի բանաձև՝ որով 1992 թվականին Խոջալու քաղաքում տեղի ունեցած իրադարձությունները ճանաչվում են ցեղասպանություն:

Պակիստանը լրջագույն էթնիկական խնդիրներ ունեցող արհեստականորեն ստեղծված պետություն է, իսկ վերջինիս Սենատի միջազգային հարաբերությունների հանձնաժողովի կողմից, Խոջալուի դեպքերի կապակցությամբ ընդունված բանաձևն՝ առնվազն անլուրջ:

Նման որոշումն անլուրջ է հատկապես այն համատեքստում, որ Պակիստանում բնակվող առնվազն երկու ժողովուրդ մեղադրում են այս երկրի կառավարությանը իրենց հանդեպ ցեղասպանության քաղաքականություն իրականացնելու մեջ: Խոսքը պակիստանյան բելուջների և փաշտունների մասին է:

Հատկանշական է, որ հենց այս տարվա սկզբին՝ ԱՄՆ պետդեպարտամենտի խոսնակ Վիկտորիա Նյուլանդին Twitter-ով հարց էր ուղղվել այժմ Պակիստանում բելուջ ժողովրդի հանդեպ իրականացվող ցեղասպանության վերաբերյալ, ինչին ի պատասխան ԱՄՆ-ի արտաքին գերատեսչության բարձրաստիճան այս պաշտոնյան խորը մտահոգություն էր հայտնել՝ չնայած չէր օգտագործել ցեղասպանություն բառը: Այսուհանդերձ՝ սա փաստորեն առաջին դեպքն էր, երբ ԱՄՆ-ը նման մակարդակում անդրադառնում է Պակիստանում բելուջների ցեղասպանության խնդրին:

Այնպես որ՝ փոխարեն միջին վիճակագրական պակիստանցու համար բացարձակ terra incognita հանդիսացող Խոջալուին անդրադառնալու, այս երկրի իշխանությունները նախևառաջ պետք է զբաղվեն իրենց խնդիրներով՝ դադարեցնելով մասնավորապես բելուջ ժողովրդի հանդեպ պարբերաբար իրականացվող ցեղասպանական գործողությունները:

Եվ հետո՝ Պակիստանն անկայուն և ծայրաստիճան կոռումպացված պետական համակարգ ունեցող երկրներից է: Այս մասին են վկայում նաև «Transparency International» կազմակերպության կողմից ամեն տարի հրապարակվող կոռուպցիայի ընկալման ինդեքսները, և չի բացառվում, որ վերոհիշյալ բանաձևն ուղղակի գնվել է ադրբեջանական նավթադոլարներով»:

Բելուջները բնակվում են Պակիստանի հարավ-արևմտյան Բելուջիստան նահանգում՝ հանդիսանալով այս երկրի թվաքանակով չորրորդ ժողվուրդը:

spot_imgspot_img
spot_imgspot_img

Նմանատիպ

Նմանատիպ

Վհուկների որս Ադրբեջանում։ Բաքուն հայտնում է իրանական լրտեսներ ձերբակալելու մասին

Ադրբեջանի հատուկ ծառայությունները երկրում գործող իրանական գործակալական ցանց են...

Պուտինի սպառնալիքները Մեծ Բրիտանիային․ Միջազգային լրահոս

Տարածաշրջանային և միջազգային կարևոր զարգացումները Times.am-ի դիտակետից։ Ի՞նչ է...

Տարածաշրջանն անցած շաբաթ

Times.am-ը շարունակում է ուշադիր հետևել Հայաստանում և նրա շուրջը...