Ս.թ մարտի 31-ին, ժամը 01.30-ի սահմաններում Վարդենիս-Մեծ Մասրիկ ավտոճանապարհին իրար են բախվել N զորամասի պայմագրային զինծառայող, շարքային Վ. Աբգարյանին պատկանող «ՎԱԶ–2106» մակնիշի և N զորամասի պայմագրային զինծառայող, շարքային Ա. Բալասանյանին պատկանող «Մոսկվիչ» մակնիշի ավտոմեքենաները:
Ինչպես հաղորդում են ՀՀ ՊՆ քննչական ծառայությունից, վթարի հետևանքով Վ. Աբգարյանը տեղում մահացել է, իսկ Ա. Բալասանյանը և «ՎԱԶ–2106» ավտոմեքենայի ուղևորներ, N զորամասի պայմագրային զինծառայողներ, ենթասպա Վ. Թադևոսյանը, ավագ լեյտենանտ Կ. Հակոբյանը տարբեր աստիճանի մարմնական վնասվածքներով տեղափոխվել են Վարդենիսի կայազորային հոսպիտալ:
Փաստի առթիվ ՀՀ ՊՆ քննչական ծառայության հինգերորդ կայազորային քննչական բաժնում նախապատրաստվում են նյութեր: Նշանակվել են դատաբժշկական փորձաքննություններ:
