ՀՀ ՊՆ. Զորամասերից մեկում տեղի ունեցած միջադեպի առնչությամբ նախաքննությունը շարունակվում է
19/04/2012 10:28
Նմանատիպ
ՀՀ ՊՆ քննչական ծառայությունից տեղեկացնում են, որ 18.04.2012թ., ժամը 13:20-ի սահմաններում, ՀՀ ՊՆ քննչական ծառայության վեցերորդ կայազորային քննչական բաժնում հաղորդում է ստացվել այն մասին, որ ՀՀ ՊՆ N զորամասի մարտական դիրքերից մեկում հրազենային մարմնական վնասվածքով հայտնաբերվել է նույն զորամասի պարտադիր ժամկետային զինծառայողներից մեկի դիակը, մեկ այլ զինծառայող ստացել է հրազենային վիրավորում:
Փաստի առթիվ ՀՀ ՊՆ քննչական ծառայության վեցերորդ կայազորային քննչական բաժնում ՀՀ քր. օր-ի 104 հոդվածի 1-ին մասով հարուցվել է քրեական գործ և կատարվում է նախաքննություն:
Վիրավոր զինծառայողը վիրահատվել է, և նրա կյանքին վտանգ չի սպառնում:
Քրեական գործի նախաքննությունը շարունակվում է:
Հետևեք մեզ նաև Telegram-ում