2012թ.-ի մայիսի 9-ը յուրահատուկ տոն է հայ ժողովրդի համար: Այս օրը նշվում է Մեծ Հայրենական Պատերազմի հաղթանակի օրը, Շուշիի ազատագրման 20-ամյակը, ինչպես նաև Արցախի Պաշտպանության բանակի ստեղծման օրը:
Սա համազգային տոն է: Այս օրը ամենամեծ ուշադրությանը պետք է արժանանա այն մարդիկ, ովքեր պաշպանել են իրենց Հայրենիքը՝ մեզ հնարավորություն ընձեռելով ապրել ազատագրված Հայրենիքում: Նրանք սխրագործության շնորհիվ՝ այսօր յուրաքանչյուր հայ գիտակցում է, որ այս աշխարհում կա պաշտպանված մի օջախ, որն իր երկիրն է, և ուր ինքը կարող է վերադառնալ: Եվ այդ միտքը նրան ուղեկցում է, ուր էլ որ նա գնա:
Այս ամենը ստացվել է թանկ գնով. ազատամարտիկներն են մեզ բերել այդ Հաղթանակը, որին հասել են զոհելով իրենց կյանքերը, առողջությունը և հարազատների բարօրությունը: Նրանց շնորհիվ է, որ մենք ամեն տարի տոնում են այդ օրը, այլ ոչ՝ հիշումողբերգական տարելից:
Եվ այժմ յուրաքանչյուրս հնարավորություն ունի շնորհավորել ազատամարտի վետերաններին, ինչպես նաև մենք կարող ենք աջակցել այն զինվորներին, ովքեր հաշմանդամ են դարձել:
«Miacum.am»-ի ղեկավարությունը միանում է «Մայիսի 9» ակցիային՝ կոչ անելով բոլորին անմասն չմնալ այս բարի գործում:
Բոլոր նրանք, ովքեր ցանկանում են աջակցել Արցախյան պատերազմից հաշմանդամ մնացած մարդկանց և զոհված զինվորների ընտանիքներին, կարող են իրենց նվիրատվությունն անել: Նվիրատվության և աջակցության կարգի մասին մանրամասներ կարող ենք գտնել այստեղ: Այս տեղեկատվությունը տարածելը նույնպես օգտակար գործ կլինի:
