Նախագահ Սերժ Սարգսյանը ապրիլի 25-ին աշխատանքային այցով Գեղարքունիքի մարզում էր:
Ինչպես հայտնում են երկրի ղեկավարի մամլո գրասենյակից, Ս.Սարգսյանը ծանոթացել է մարզում իրականացված ճանապարհային հիմնանորոգման աշխատանքներին: Նախագահն այցելել է Վարդենիսի Մհեր Մկրտչյանի անվան մշակույթի պալատ, դիտել մշակութային այս հաստատության վերակառուցման ուղղությամբ իրականացված աշխատանքները:
Այցի շրջանակներում Սերժ Սարգսյանը ծանոթացել է նաև Վաղաշեն համայնքի մշակույթի տան հիմնանորոգման աշխատանքներին:
