Էդ.Նալբանդյանն ընդունել է Կանադայի Զորյան ինստիտուտի ղեկավարությանը
Նմանատիպ
Ապրիլի 25-ին ՀՀ ԱԳ նախարար Էդվարդ Նալբանդյանը հանդիպեց Կանադայի Զորյան ինստիտուտի նախագահ Գրեգ Սարգսյանի և գործադիր տնօրեն Ջորջ Շիրինյանի հետ, հայտնում են ԱԳՆ տեղեկատվության և հասարակայնության հետ կապերի բաժնից:
Ողջունելով հյուրերին՝ նախարար Նալբանդյանը կարևորեց Զորյան ինստիտուտի տասնամյակների գործունեությունը և ներդրումը Հայոց Ցեղասպանութան և արցախյան հիմնահարցի վերաբերյալ միջազգային հանրությանն իրազեկման գործընթացում: Նախարար Նալբանդյանը նշեց նաև, որ կատարված գիտակրթական աշխատանքները, բազմազան հրատարակությունները խոսում են Ինստիտուտի մեծ ներուժի մասին:
Զորյան ինստիտուտի ներկայացուցիչները ԱԳ նախարարին ներկայացրեցին կառույցի գործունեությունը և ապագա ծրագրերը:
Զրույցի ընթացքում հանգամանալից քննարկվեցին ԱԳՆ-ի եւ Զորյան ինստիտուտի միջև հետագա համագործակցության հնարավորությունները:
Հետևեք մեզ նաև Telegram-ում