Ադրբեջանցիները բողոքի ցույց են անում Ստեփանակերտի մատույցներում

Մի խումբ ադրբեջանցիներ այսօր առավոտյան կրկին փակել են Շուշի-Ստեփանակերտ ճանապարհը և բողոքի ակցիա են իրականացնում։

Ինչպես տեղեկացնում են ադրբեջանական լրատվամիջոցները, «ցուցարարները» պահանջում են հանդիպել Արցախում տեղակայված ռուսական խաղաղապահ զորակազմի հրամանատար Վոլկովի հետ։

Բողոքի պատճառը երկու օր առաջ Մարտակերտի շրջանի Կաշենի հանքավայրի մոտ տեղի ունեցած միջադեպն է, երբ տեղի բնակիչներն արգելել են Ադրբեջանի Էկոնոմիկայի և բնապահպանության նախարարությունների ներկայացուցիչներին այցելել ոսկու հանք։

Նշենք նաև, որ Ադրբեջանի ԱԳՆ-ն այդ կապակցությամբ բողոքի նոտա է հանձնել Ռուսաստանի դեսպանին։