Մադրիդի «Ռեալի» գլխավոր մարզիչ Կարլո Անչելոտին խոսել է Իսպանիայի գավաթի կիսաեզրափակչի իրենց մրցակից «Ատլետիկո Մադրիդի» մասին: ««Ատլետիկոն» շատ ամուր թիմ է: Ինձ դուր է գալիս նրանց կազմակերպվածությունը: Շատ լավ հակագրոհներ են իրականացնում: Նրանց մոտ ամեն ինչ լավ է ստացվում»,- Անչելոտիի խոսքերն է փոխանցում «Marca»-ն:
Անչելոտին նաև գովել է «Ատլետիկոյի» գլխավոր մարզչի աշխատանքը: «Սիմեոնեն չի մտածում, որ իր թիմը ֆավորիտ չէ: Այդպես է անում, որ խուսափի ճնշումից: Ֆանտաստիկ աշխատանք է կատարել: Ատլետիկոյի մոտ ամեն ինչ լավ է ստացվում: «Ատլետիկոն» առաջնությունը որպես ֆավորիտ չսկսեց, և հիմա առաջնությունում նրանք առաջատար են, հասել են Գավաթի եզրափակիչ և Չեմպիոնների լիգայի 1/8 եզրափակիչ»,-ասել է իտալացի մասնագետը:
