Շարապովա. Չխաղացի այն մակարդակով, որով պետք է խաղայի

Ինդիան-Ուելսի մրցաշարի երրորդ շրջանում Մարիա Շարապովան 3:6, 6:4, 5:7 հաշվով պարտվեց Կամիլե Ջորջիին: Խաղի վերաբերյալ ռուս թենիսիստուհին իր մեկնաբանություններն է տվել WTA պաշտոնական կայքի հետ զրույցում:

-Շատ վատ խաղացի: Նախկինում երբեք չէի մրցել Ջորջիի հետ, սակայն նա այն խաղացողներից է, ովքեր չեն թողնում զգալ խաղի ռիթմը: Նա ագրեսիվ է, հարվածներն անհավանական բարձրակարգ էին, բայց ժամանակ առ ժամանակ սխալվում էր: Ամեն դեպքում, ես չխաղացի այն մակարդակով, որով պետք է խաղայի: Գուցե պարզապես անհաջող օր էր,-ասել է Շարապովան: