Շրթներկ շարժունակության սահմանափակում ունեցողների համար L’Oréal-ից

Լաս Վեգասում ընթացող ամենամյա CES 2023 խոշոր տեխնոլոգիական ցուցահանդեսին L’Oréal-ը ներկայացրել է երկու նոր սարք հաշմանդամություն ունեցող անձանց համար։ 

Նորարարություններից HAPTA սարքը օգնում է ձեռքի սահմանափակ շարժունակություն ունեցող անձանց շրթներկ օգտագործել։  Մյուս ինովացիան՝ L’Oréal Brow Magic-ը օգնում է հարդարել և ձևավորել հոնքերը։ 

L’Oréal տեխնոլոգիական ինկուբատորի ղեկավար Գիվ Բալուչը նշել է, որ HAPTA-ն նման է այն գդալներին, որոնք օգնում են սահմանափակ շարժունակություն ունեցող մարդկանց ինքնուրույն ուտել:

HAPTA-ն աշխատում է Verily Life Sciences-ի ստեղծած տեխնոլոգիայով, որը  աշխատում է ՝ համատեղելով շարժման սենսորները՝ շրթներկը համաչափ տարածելու և հարթեցնելու համար: 

HAPTA-ն փորձարկվել է Lancôme-ի շրթներկներով, սարքն ունի մագնիսական հատված, ներկառուցված մարտկոց և շրթներկը 360 աստիճանով պտտելու հնարավորություն:

CES-ում L’Oréal-ը իր սարքերը ներկայացրել է «Գեղեցկություն, որը շարժում է աշխարհը» կարգախոսի ներքո։