Մետրոպոլիտեն թանգարանը Հովհաննես Այվազովսկուն համարել է ուկրաինացի
13/02/2023 09:54
![Մետրոպոլիտեն թանգարանը Հովհաննես Այվազովսկուն համարել է ուկրաինացի](https://times.am/v3/wp-content/uploads/2023/02/Այվազովսկի-ալիքի-գագաթին-e1687007207968-1500x787.jpeg)
Նմանատիպ
Նյու Յորքի Մետրոպոլիտեն արվեստի թանգարանը Հովհաննես Այվազովսկուն դասել է ուկրաինացի նկարիչների շարքին: Այս մասին են վկայում թանգարանի կայքում տեղադրված տվյալները:
Կայքի՝ Այվազովսկու մասին հոդվածում՝ ծովանկարչի ազգությանը վերաբերող բաժնում, նշվում է, որ նա ուկրաինացի է։
![](https://times.am/wp-content/uploads/2023/02/thumb_medium-940x608-1.jpg)
«Ձկնորսները ծովի ափին», Այվազովսկի․ 1852թ․
Ավելի վաղ հաղորդվում էր, որ Մետրոպոլիտեն արվեստի թանգարանը, ռուս-ուկրաինական հակամարտության ֆոնին, ֆրանսիացի իմպրեսիոնիստ Էդգար Դեգայի «Ռուս պարուհի» կտավը վերանվանել է «Ուկրաինական զգեստով պարուհի»։
Մետրոպոլիտեն արվեստի թանգարանը նաև ուկրաինացի է ճանաչել նկարիչ Արխիպ Կուինջիին և Իլյա Ռեպինին։
Նշենք, որ ազգությամբ հայ Այվազովսկին ծնվել է 1817 թվականին Թեոդոսիայում (Ռուսական կայսրության Տավրիդայի նահանգ, այժմ՝ Ղրիմ, ՌԴ)։
Հետևեք մեզ նաև Telegram-ում