Լա Մանշի գիշերային երկնքում աստղակերպ է վառվել․ՏԵՍԱՆՅՈՒԹ

Փետրվարի 13-ի առավոտյան Ֆրանսիայի և Անգլիայի բնակիչները ականատես են եղել երկրագնդի մթնոլորտում երկնաքարի այրման հետևանքով առաջացած պայծառ «հրե գնդակի», որը ստացավ 2023 CX1 անվանումը: Հատկանշական է, որ պատմության մեջ սա յոթերորդ դեպքն էր, երբ նախապես կանխատեսվել է երկնային մարմնի ընկնելը Երկրի վրա։

2023 CX1 աստերոիդը հայտնաբերվել է փետրվարի 12-ի երեկոյան հունգարացի աստղագետ Կրիշտիանու Սառնեցկիի կողմից։ Երկնաքարի տրամագիծը չի գերազանցել մեկ մետրը և այն շարժվել է Երկրի նկատմամբ 14 կմ/վ արագությամբ։

Աստղագետների կողմից կատարված հաշվարկները ցույց են տվել, որ 2023 CX1-ը կմտնի Երկրի մթնոլորտ Նորմանդիայի ափի վրայով փետրվարի 13-ին ժամը 03:00 UT, այսինքն՝ հայտնաբերումից յոթ ժամից էլ քիչ անց: Մթնոլորտի հետ շփումից այն այրվել է, որից առաջացած պայծառ լույսը տեսանելի է եղել Հյուսիսային Ֆրանսիայից, Բելգիայից, Նիդեռլանդներից և Մեծ Բրիտանիայից։

Իր փոքր չափերի պատճառով երկնաքարը ոչ մի վտանգ չի ներկայացրել Երկրի համար (այս չափի մարմինները ոչնչանում են զգալի բարձրության վրա)։ Այն մտել է երկրագնդի մթնոլորտ հենց կանխատեսված ժամանակին և կանխատեսված տարածքում, ինչի արդյունքում, Լա Մանշի երկու կողմերում գտնվող սիրող աստղագետների տեսախցիկները կարողացել են որսալ պահը և տպավորիչ պատկերներ ստանալ։