Արտակարգ իրավիճակների նախարարությունը կազմակերպել է դեպի երկրաշարժից տուժած Սիրիայի Արաբական Հանրապետություն մարդասիրական օգնության երկրորդ խմբաքանակի տեղափոխումը՝ ավելի քան 25 տոննա քաշով:

Բեռը ներառել է սնունդ, դեղորայք, բժշկական պարագաներ: Այն Սիրիա է ուղարկվել Երևանի «Էրեբունի» օդանավակայանից:

Կազմակերպչական աշխատանքներին աջակցել է ՆԳՆ փրկարար ծառայությունը:

Ավելի վաղ՝ փետրվարի 8-ին, ԱԻՆ-ի միջոցով Սիրիա էր ուղարկվել ավելի քան 30 տոննա մարդասիրական օգնություն:

Հիշեցնենք, որ փետրվարի 6-ին Թուրքիայի և Սիրիայի սահմանային տարածքում ուժգին երկրաշարժ է տեղի ունեցել, որի հետևանքով զոհերի թիվը երկու երկրներում գերազանցել է 30 հազարը։