Անգլիայի հավաքականի գլխավոր մարզիչ Ռոյ Հոջսոնը վստահ է, որ իր սաներն առանց վախի են խաղալու ամռանը, Բրազիլիայում կայանալիք Աշխարհի առաջնության ժամանակ:
-Մենք համարձակ խաղ ենք ցույց տալու Մունդիալի ժամանակ: Հավատալու ենք մեր ուժերին ու ռիսկի դիմեք: Մեր ֆուտբոլիստներին պետք է հնարավորություն տալ, որ իրենց դրսևորեն այնպես, ինչպես երկրի առաջնություններում: Չեմ կարծում, որ Իտալիայի հետ խաղում դաշտի իր հատվածում պարփակված Անգլիա կտեսնեք,-ասել է Հոջսոնը:
Հիշեցնենք, որ Անգլիայի ընտրանին Մունդիալի խմբային փուլում պայքարելու է Ուրուգվայի, Իտալիայի և Կոստա Ռիկայի հավաքականների հետ:
