Մարմնամարզիկ Արթուր Դավթյանը նվաճեց երկրորդ անընդմեջ ոսկե մեդալը
04/03/2023 20:23
![Մարմնամարզիկ Արթուր Դավթյանը նվաճեց երկրորդ անընդմեջ ոսկե մեդալը](https://times.am/v3/wp-content/uploads/2023/03/Արթուր-Դավթյան-e1677946879179-1024x542.jpg)
Նմանատիպ
Հայաստանի մարմնամարզության հավաքականի անդամ, Օլիմպիական խաղերի բրոնզե մեդալակիր, աշխարհի և Եվրոպայի չեմպիոն Արթուր Դավթյանն աշխարհի գավաթի խաղարկությունում նվաճեց երկրորդ անընդմեջ ոսկե մեդալը:
Կատարի մայրաքաղաք Դոհայում ընթացող աշխարհի գավաթի խաղարկության երկրորդ փուլի առանձին գործիքների հենացատկի վարժության եզրափակիչում Արթուր Դավթյանը հավաքեց 15.083 միավոր և զբաղեցրեց առաջին տեղը: Դավթյանը ոսկե մեդալ էր նվաճել նաև գերմանական Կոդբուս քաղաքում կայացած աշխարհի գավաթի խաղարկության առաջին փուլում:
Նախօրեին Հայաստանի մարմնամարզության տղամարդկանց ընտրանու անդամներ Արթուր Ավետիսյանը 4-րդն էր, իսկ Վահագն Դավթյանը` 8-րդը, Դոհայի աշխարհի գավաթի խաղարկության երկրորդ փուլի օղակների վարժությունում:
Հետևեք մեզ նաև Telegram-ում