Բրիտանացի հատուկ ջոկատայիններին արգելվել է օգտագործել չինական TikTok սոցիալական ցանցը
06/03/2023 13:26
Նմանատիպ
Բրիտանացի հատուկ ջոկատայիններին արգելվել է օգտագործել չինական TikTok սոցիալական ցանցը իրենց աշխատանքային հեռախոսներում՝ անվտանգության նկատառումներով։
Այդ մասին հայտնել է Daily Mail թերթը՝ վկայակոչելով իր աղբյուրներին:
Հիշեցնենք, որ վերջերս պաշտոնական Լոնդոնն անհրաժեշտ չէր համարել պետական ծառայողների համար TikTok հավելվածից օգտվելու արգելք սահմանել, ինչպես դա արել են ԱՄՆ-ում և ԵՄ-ում։
Հրապարակման համաձայն՝ բրիտանացի հատուկ նշանակության ջոկատայիններին խստորեն խորհուրդ է տրվել նաև մուտք չգործել TikTok անձնական սմարթֆոններից։
Այս որոշումը պայմանավորված է այն մտավախությամբ, որ հավելվածը կարող է տվյալներ փոխանցել Չինաստանին և Ռուսաստանին:
Հետևեք մեզ նաև Telegram-ում