Իրանի Իսլամական Հանրապետությունը հայտարարել է ձայնի արագությունը 8 անգամ գերազանցող հիպերձայնային բալիստիկ հրթիռի ստեղծման մասին:
Իրանի զինված ուժերի գլխավոր շտաբի պետ, գեներալ Մուհամմեդ Բաքիրին հայտարարել է, որ հրթիռի փորձարկումները հաջող են անցել և պատրաստ են խնդիրներ լուծել:
«Իրանը դարձել է նման հրթիռներ ունեցող երեք երկրներից մեկը: Զինանոցում նման հրթիռի առկայությունը թույլ կտա երկրի շրջակայքում ստեղծել հսկայական շառավղով անվտանգության գոտի»,- ասել է Բաքիրին՝ հավելելով, որ հրթիռի հեռահարությունը 1500 կիլոմետր է։
Հիպերձայնային այս հրթիռներն ունակ են մթնոլորտում թռչել հիպերձայնային արագությամբ՝ 1 վայրկյանում անցնելով 1,6 կիլոմետր տարածություն: Այն միաժամանակ ունի մանևրելու հնարավորություն, ՀՕՊ ուժերը վերջիններիս չեն կարող որսալ:
