Կանադացի ռեժիսոր Դանիել Ռոերի «Նավալնի» ֆիլմը «Օսկար» է ստացել «Լավագույն վավերագրական ֆիլմ» անվանակարգում։
Ռուս ընդդիմադիր քաղաքական գործիչ Ալեքսեյ Նավալնիի մասին կենսագրական ֆիլմը պատրաստվել է HBO Max-ի և CNN Films-ի կողմից, այն պատմում է ընդդիմության առաջնորդի մասին, ով շուրջ երկու տարի գտնվում է բանտում։
Ֆիլմում տեղի ունեցող իրադարձություններն ընդգրկում են 2020 թվականի ամառվանից (երբ Նավալնին թունավորվելուց հետո հոսպիտալացվեց) մինչև 2021 թվականի հունվարն ընկած ժամանակահատվածը։ Ֆիլմը պարունակում է հատվածներ Նավալնիի և նրա կնոջ հետ հարցազրույցից։
Ֆիլմի պրեմիերան կայացել է 2022 թվականի հունվարի 25-ին՝ ԱՄՆ-ում։ Այս տարվա փետրվարի 19-ին ֆիլմը ստացել է նաև BAFTA-ի մրցանակ (Բրիտանական կինոյի և հեռուստատեսային արվեստի մրցանակ)՝ որպես «Լավագույն վավերագրական» ֆիլմ։
Նավալնին բատնում է 2021 թվականի փետրվարից։
