Ազգային պատկերասրահը հայտարարել է «Բանվորի արձան»-ի վերականգնման/ինստալացիայի նախագծի մրցույթ

2022 թ. «Բանվորի արձանը. Post Scriptum» ցուցահանդեսը տարիների մոռացությունից դուրս բերեց անվանի քանդակագործ Արա Հարությունյանի «Փառք աշխատանքին» («Բանվորի արձան») արձանը՝ նպատակ ունենալով ուշադրություն հրավիրել վանդալիզմի դեմ պայքարի կարևորագույն խնդրին:

Հաշվի առնելով արձանի հանդեպ մեծ հետաքրքրությունը և արժևորելով մշակութային ժառանգության պահպանումն ու վերականգնումը՝ Հայաստանի ազգային պատկերասրահը հայտարարել է Արա Հարությունյանի «Փառք աշխատանքին» («Բանվորի արձան») արձանի վերականգնման/ինստալացիայի նախագծի մրցույթ:

Ազգային պատկերասրահից հայտնում են, որ մրցույթին կարող են մասնակցել մշակույթի և արվեստի ոլորտում բարձրագույն կրթություն ունեցող անհատներ կամ ոլորտային կազմակերպություններ, որոնք պետք է ներկայացնեն ինքնակենսագրական (CV), որակավորումը հաստատող փաստաթղթեր՝ դիպլոմ, պորտֆոլիո: