Պուտինը պահեստազորի հավաքներ անցկացնելու մասին հրամանագիր է ստորագրել
![Պուտինը պահեստազորի հավաքներ անցկացնելու մասին հրամանագիր է ստորագրել](https://times.am/v3/wp-content/uploads/2023/04/755910263292045-1024x633.jpg)
Նմանատիպ
Վլադիմիր Պուտինը հրամանագիր է ստորագրել պահեստազորում ընդգրկված ռուսաստանցիներին զինվորական պատրաստության հավաքների զորակոչելու մասին: Համապատասխան փաստաթուղթը հրապարակվել է իրավական տեղեկատվության պաշտոնական ինտերնետային պորտալում։
«Որոշում եմ ստորագրել 2023 թվականին հրավիրել ռեզերվում գտնվող Ռուսաստանի քաղաքացիներին՝ ռազմական պատրաստություն անցնելու ՌԴ զինված ուժերում, Ռուսաստանի Դաշնության Ազգային գվարդիայի զորքերում, պետական անվտանգության մարմիններում և Անվտանգության դաշնային ծառայությունում», – ասվում է հրապարակված տեքստում։
Համաձայն հրամանագրի՝ կառավարությունը և տարածքային իշխանությունները պետք է ապահովեն հավաքագրման հետ կապված աշխատանքների իրականացումը։
Միջոցառումը միտված է պահեստազորի մարտական հմտությունների կատարելագործմանը։ Նշվում է, որ այն պլանավորված միջոցառում է և անցկացվում է ամեն տարի։ Պահեստազորայինները հավաքին մասնակցելու կանչ կարող են ստանալ երեք տարին մեկ անգամ: Հավաքի առավելագույն տևողությունը երկու ամիս է։
Հետևեք մեզ նաև Telegram-ում