Գոմես. Երրորդ տեղը երազանք չէ
20/07/2014 18:58
![Գոմես. Երրորդ տեղը երազանք չէ](https://times.am/v3/wp-content/uploads/2014/07/37200.png)
Նմանատիպ
«Ֆիորենտինայի» հարձակվող Մարիո Գոմեսը հույս ունի, որ իր թիմը կմասնակցի Չեմպիոնների լիգային: Նախորդ մրցաշրջանում Իտալիայի առաջնությունում «Ֆիորենտինան» զբաղեցրեց չորրորդ հորիզոնականը, սակայն Մարիոն կարծում է` իր թիմը կարող է տեղ զբաղեցնել լավագույն եռյակում և ՉԼ-ի ուղեգիր նվաճել:
«Մենք կարող ենք բարելավել նախորդ մրցաշրջանի ցուցանիշը: Երրորդ տեղը երազանք չէ, այլ իրականություն, որին կարող ենք հասնել, եթե ֆուտբոլիստները լավ մարզավիճակում լինեն:
Ինչ վերաբերվում է ինձ, ապա ես ապաքինվել եմ վնասվածքից և ինձ լավ եմ զգում: Նախամրցաշրջանային փուլը հիանալի է անցնում: Շատ եմ ցանկանում նոր մրցաշրջանում խուսափել վնասվածքներից և միշտ խաղադաշտ դուրս գալ»,-ասել Գոմեսը:
Հետևեք մեզ նաև Telegram-ում