Ռոդրիգես. 45 միլիոն կոլումբիացի մադրիդցի դարձավ
Նմանատիպ
«Ռեալի» նորեկ Խամես Ռոդրիգեսի` «AS» պարբերականին տված հարցազրույցը թարգմանաբար ներկայացնում ենք ձեր ուշադրությանը:
-Ձեր երազանքն էր Մադրիդի ակումբի կազմում հանդես գալը: Ի՞նչ եք հիմա զգում:
-Շատ եմ ձգտել սրան ու հույս ունեմ` երկար տարիներ հանդես գալ այս ակումբում:
-Ինչպե՞ս են իրենց զգում կոլումբիացիները «Ռեալում»:
-Ինձ ներկայացնելու պահն անմոռանալի էր: Հույս ունեմ` կկարողանամ արդարացնել երկրպագուների սպասելիքները:
-«Սանտյագո Բեռնաբեուն» վանկարկում էր Ձեր անունը…
-Սա մեծ պատիվ է, քանի որ այն, իսկապես, պատմական մարզադաշտ է:
-Դուք Կրիշտիանու Ռոնալդուին երկրպագու՞մ եք:
-Ես հիանում եմ նրանով: «Ռեալի» պես ակումբում բոլորն են աստղ:
-«Ռեալին» ի՞նչ կարող եք տալ:
-Գոլեր, փոխանցումներ ու խաղ…Ես այդպիսի խաղացող եմ ու ցանկանում եմ հնարավորինս օգտակար լինել:
-Ինչպե՞ս Կոլումբիան ընդունեց Ձեր տեղափոխությունը «Ռեալ»:
-45 միլիոն կոլումբիացի մադրիդցի դարձավ:
-Ի՞նչ նպատակներ ունեք «Ռեալում»:
-Սիրում եմ հաղթել ու տիտղոսներ նվաճել: Վստահ եմ, որ այստեղ ինձ մեծ հաջողություններ են սպասում:
-Ալֆրեդո դի Ստեֆանոն վառ կերպար էր Կոլումբիայում և «Ռեալում»…
-Նա յուրահատուկ անհատականություն էր, հանճարեղ ֆուտբոլիստ, ում երբևէ չենք մոռանա:
-Երկրպագուները Չեմպիոնների լիգայի 11-րդ գավաթն են ցանկանում…
-Դա նորմալ է: Կփորձենք նվաճել:
-Ձեր ուղերձը մադրիդցիներին:
-Հասցրել եմ զգալ նրանց սերն ու աջակցությունը: Շնորհակալ եմ դրա համար:
Հետևեք մեզ նաև Telegram-ում