Կառլոս. Խամեսը պետք է ադապտացվի «Ռեալին», իսկ դա դժվար է
![Կառլոս. Խամեսը պետք է ադապտացվի «Ռեալին», իսկ դա դժվար է](https://times.am/v3/wp-content/uploads/2014/07/37722.png)
Նմանատիպ
Մադրիդի «Ռեալի» նախկին պաշտպան Ռոբերտո Կառլոսը խորհուրդ է տալիս թիմի նորեկ Խամես Ռոդրիգեսին նաևառաջ փորձել արագ ադապտացվել թիմին, քանի որ դա ամենաբարդ գործն է:
««Ռեալ Մադրիդը» ճիշտ է վարվել պայմանագիր կնքելով նրա հետ, քանի որ նա հիանալի խաղացող է: Հիմա նա պետք է փորձի ադապտացվել թիմին, իսկ դա շատ դժվար է»,-Կառլոսի խոսքերն է մեջբերում «Defensacentral.com»-ը:
Այդուհանդերձ բրազիլացին համոզված է, որ Ռոդրիգեսին կհաջողվի հաղթահարել ճնշումը և ամրապնդվել թիմի հիմնական կազմում:
«Նա ճնշում կզգա ամեն օր մարզումների և խաղերի ժամանակ: Իսպանիայի առաջնությունը շատ բարդ է, պետք է նվիրվես և համբերություն ունենաս: Սակայն նա որևէ խնդիր չի ունենա. նա ունի հիանալի մրցաշրջաններ անցկացնելու համար անհրաժեշտ որակները: Նա գալիս է Ֆրանսիայի առաջնությունից, որը տարբերվում է Լա լիգայից, սակայն կարող է ամրապնդվել հիմնական կազմում»,-ասել է Կառլոսը:
Խամես Ռոդրիգեսը «Մոնակոյից» «Ռեալ» է տեղափոխվել 80 մլն եվրոյի դիմաց:
Հետևեք մեզ նաև Telegram-ում