Instagram-ում կարող է հայտնվել նոր չատբոտ
![Instagram-ում կարող է հայտնվել նոր չատբոտ](https://times.am/v3/wp-content/uploads/2023/05/5f457a7b42f43f001ddff00f-1024x512.webp)
Նմանատիպ
Instagram-ը շուտով կարող է ներդնել արհեստական ինտելեկտի տարրեր, որոնք կվերափոխեն սոցիալական ցանցի էությունը։
Ըստ տեղեկությունների՝ շուտով այս սոցիալական ցանցը կարող է ինտեգրել իր սեփական չատբոտը, որի հետ հնարավոր կլինի զրուցել:
Ինժեներ Ալեսանդրո Պալուցին Twitter-ի իր էջում հրապարակել է սքրինշոթ, որտեղ ցուցադրվում է արհեստական բանականության չատբոտ, որը կարող է պատասխանել օգտատերերի հարցերին և նրանց խորհուրդներ տալ: Ինժեների խոսքով՝ բոտը կստանա անհատականացված կարգավորումներ․ հարթակի օգտատերերը կկարողանան հարմարեցնել այն՝ ըստ իրենց նախասիրությունների։
Instagram-ի չատբոտը կարող է օգտակար լինել այն մարդկանց համար, որոնք դժվարանում են լուսանկարներին ուղեկցող տեքստային հաղորդագրություններն ինքնուրույն գրել: Ենթադրվում է նաև, որ ալգորիթմը կարող է օգտագործվել այլ օգտատերերի հետ զրույցների ժամանակ։
Հետևեք մեզ նաև Telegram-ում