Հայազգի գրոսմայստերները հաջող են խաղում տարբեր մրցաշարերում

Հայազգի գրոսմայստեները շարունակում են հաջող հանդես գալ շախմատային տարբեր մրցաշարերում:

Ինչպես տեղեկացնում է Շախմատի ֆեդերացիայի պաշտոնական կայքը, գրոսմասյտեր Դավիթ Հարությունյանը (Վրաստան) Լեհաստանի Վրոցլավ քաղաքում անցկացվող օփենում 7 տուրից հետո վաստակել է 5,5 միավոր եւ 47 մասնակիցների մեջ ընթանում է երկրորդ տեղում: Հարությունյանը միայն կես միավորով է ետ մնում առաջատարից՝ միջազգային վարպետ Կամիլ Դրագունից (Լեհաստան):

Գրոսմայստեր Սերգեյ Կասպարովը (Բելառուս) վաստակել է 4,5 միավոր:

Մինչեւ մրցաշարի ավարտը մնում է երկու տուր:

Իսկ ահա գրոսմայստեր Գաբրիել Սարգսյանը Հունաստանի Ռեթիմնո քաղաքում անցկացվող օփենի չորրորդ տուրում հաղթել է Ստանիին (Հնդկաստան):

Չորս տուրից հետո Սարգսյանն ունի 4 միավոր եւ գրոսմայստերներ Յուրի Կրիվորուչկոյի (Ուկրաինա) եւ Անդրեյ Ռիչագովի (Ռուսաստան) հետ գլխավորում է աղյուսակը: