Թուրքիայի առևտրային խոշոր նավահանգստում պայթյուն է որոտացել
07/08/2023 17:54
Նմանատիպ
Թուրքական «Դերինջե» խոշոր առևտրային նավահանգստում, որը գտնվում է Մարմարի ծովում, տեղի ժամանակով 14․40-ին խոշոր պայթյուն է որոտացել։ Այս մասին հայտնում է Հուրիյեթ պարբերականը։
Նշվում է, որ պայթյունի հետևանքով կան տուժածներ, սակայն հստակ թիվը դեռևս հայտնի չէ։ Ըստ նախնական տեղեկությունների՝ պայթել է նավահանգստի վերելակներից մեկը։
«Նախնական վարկածն այն է, որ պայթյունը տեղի է ունեցել այն ժամանակ, երբ նավերից մեկն այդ պահին ցորեն էր բարձում»,- ասված է պաշտոնական հայտարարությունում։
Պարբերականը նշում է, որ պայթյունը որոտացել է Անկարայի կողմից հացահատիկային գործարքի հետ կապված լուծումներ գտնելու ֆոնին։
Ավելի վաղ հայտնի էր դարձել, որ նախատեսվում է Էրդողանի և Պուտինի քննարկումը՝ հացահատիկային գործարքի հետ կապված։
