ԱՄՆ-ն և Հայաստանը սկսել են համատեղ զորավարժություններ
Նմանատիպ
Հայաստանը երկուշաբթի օրը սկսել է «Արծիվ գործընկեր 2023» համատեղ զորավարժությունները ԱՄՆ խաղաղապահների հետ։ Այս մասին AFP-ին հայտնել է Եվրոպայում և Աֆրիկայում ԱՄՆ բանակի հրամանատարության ներկայացուցիչը։
«Կայացել է Exercise Eagle Partner-ի բացման արարողությունը»,- ասել է նա։
ԱՄՆ բանակի անանուն պաշտոնյայի խոսքով՝ արարողությունը տեղի է ունեցել Երևանի մերձակայքում գտնվող «Զար» ուսումնական կենտրոնում։ Զորավարժություններին մասնակցում են 85 ամերիկացի և 175 հայ զինծառայողներ։
Ավելի վաղ Եվրոպայում և Աֆրիկայում ԱՄՆ բանակի հրամանատարությունը հայտնել էր, որ զորավարժությունները թույլ կտան երկու երկրներին «հարաբերություններ կառուցել մարտավարական մակարդակում» և մեծացնել ստորաբաժանումների «փոխգործունակությունը» խաղաղապահ գործողությունների համար։
Սեպտեմբերի 6-ին Հայաստանի պաշտպանության նախարարությունը տեղեկացրել էր, որ սեպտեմբերի 11-ից 20-ը Հայաստանի տարածքում կանցկացվեն Հայաստանի և Միացյալ Նահանգների միջև համատեղ զորավարժություններ։
Ավելի ուշ Հայաստանի վարչապետ Նիկոլ Փաշինյանը հայտարարել էր, որ Ադրբեջանը զորքեր է կենտրոնացրել Հայաստանի հետ սահմանին և Լեռնային Ղարաբաղի հետ բաժանարար գծում։ Նրա կարծիքով, «իրավիճակն այնպիսին է, որ միջազգային հանրությունը և ՄԱԿ-ի Անվտանգության խորհրդի անդամ երկրները պետք է լուրջ միջոցներ ձեռնարկեն տարածաշրջանում նոր պայթյուն թույլ չտալու համար»։
ՌԴ նախագահի մամուլի քարտուղար Դմիտրի Պեսկովի խոսքով՝ Հայաստանի և ԱՄՆ-ի միջև զորավարժությունները չեն նպաստում տարածաշրջանում իրավիճակի կայունացմանը։ Նա հավելել է, որ Ռուսաստանը շարունակում է կատարել անվտանգության երաշխավորի իր գործառույթները, Մոսկվան նույնպես շարունակում է հետևողական և կառուցողական աշխատանքը ինչպես Երևանի, այնպես էլ Բաքվի հետ։
ՌԴ ԱԳ նախարար Սերգեյ Լավրովը Նյու Դելիում G20-ի գագաթնաժողովին հաջորդած մամուլի ասուլիսում, պատասխանելով ՏԱՍՍ-ի հարցին, ասել է, որ Ռուսաստանը ափսոսում է ԱՄՆ-ի հետ զորավարժություններ անցկացնելու Հայաստանի ղեկավարության մտադրության համար։
