Ստեփանակերտի մոտ վառելիքի պահեստի պայթյունից հետո Ռուսաստանի օդատիեզերական ուժերի սանիտարական ավիացիայի թռիչքներով Լեռնային Ղարաբաղի բուժհաստատություններից տարբեր աստիճանի այրվածքներով 58 քաղաքացի է տարհանվել ԲԿ–ներում մասնագիտացված բուժօգնության համար: Այս մասին հայտնում է ՌԴ ՊՆ մամուլի ծառայությունը։

Ռուսական խաղաղապահ զորակազմի բժշկական ջոկատի ղեկավար Պավել Սուսլովը մանրամասներ է հայտնել իրենց կատարած աշխատանքից։ «Ներկա պահին բժշկական ջոկատից տարհանվել է 16 քաղաքացի, հոսպիտալից և Հանրապետական բժշկական կենտրոնից՝ համապատասխանաբար 7 և 35 տուժած»։

Նշվում է, որ ռուսական խաղաղապահ զորակազմի տեղակայման վայրում շարունակում է մնալ 522 խաղաղ բնակիչ, այդ թվում ՝ 293 երեխա, որոնք ներկայում հնարավորություն չունեն վերադառնալ իրենց տները: Կազմակերպվել է նրանց տեղավորումը, սնունդը և բժշկական օգնության տրամադրումը:

Հետևեք մեզ նաև Telegram-ում