Պատերազմի ավարտը «պատմական հնարավորություն» է․ Իրանի ԱԳՆ

Իրանի արտաքին գործերի նախարար Հոսեյն Ամիր Աբդոլլահիանն ասել է, որ Հարավային Կովկասում հակամարտության ավարտը տարածաշրջանի երկրներին «պատմական հնարավորություն» է տվել աշխատելու խաղաղության և համագործակցության խթանման ուղղությամբ:

«Մենք կարծում ենք, որ այսօր պատմական հնարավորություն է մեր բոլոր երկրների համար։ Հարավային Կովկասում պատերազմն ավարտվել է, և եկել է Կովկասում խաղաղության, համագործակցության և զարգացման ժամանակը»,- ​​ Ամիր Աբդոլլահիանը երկուշաբթի այս մասին ասել է՝ ելույթ ունենալով Հարավային Կովկասում «3+3» ձևաչափով ԱԳ նախարարների երկրորդ հանդիպման ժամանակ։

Իրանական դիվանագիտության ղեկավարն ընդգծել է՝ ուրախ է, որ Թեհրանն անցկացնում է երկրորդ տարածաշրջանային հանդիպումը «3+3» ձևաչափով, որին մասնակցում են հարավկովկասյան երկրների՝ Հայաստանի, Վրաստանի և Ադրբեջանի, ինչպես նաև Ռուսաստանի, Թուրքիայի և Իրանի արտգործնախարարները։

Նա նաև հույս է հայտնել, որ ապագայում Վրաստանի կմիանա արդյունավետ համագործակցությանը։

Հոսեյն Աբդոլլահիանը, օգտվելով առիթից, իր խորը մտահոգությունն է հայտնել Գազայում ծավալվող ծանր հումանիտար ճգնաժամի կապակցությամբ, որտեղ հոկտեմբերի 7-ից ի վեր ավելի քան 5000 պաղեստինցի է զոհվել և մոտ 1,4 միլիոն մարդ ստիպված է եղել լքել իրենց տները: