Ուկրաինան ինքնուրույն կորոշի խաղաղության պայմանները. Սթոլթենբերգ

Ուկրաինային տրամադրվող օգնությանը հարցը կքննարկվի Բրյուսելում մեկնարկվող  Եվրամիության երկրների պաշտպանության նախարարների նիստում:

ՆԱՏՕ-ի գլխավոր քարտուղար Յենս Ստոլտենբերգը Բրյուսելում Եվրամիության երկրների պաշտպանության նախարարների հետ համատեղ նիստի մեկնարկից առաջ հանդես է եկել հայտարարությամբ, որ Ուկրաինան ինքը կորոշի, թե ինչ պայմաններով է բանակցելու և խաղաղության համաձայնագիր կնքելու, իսկ դաշնակիցները պետք է շարունակեն աջակցությունը։ Նրա խոսքերը մեջբերում է ՌԻԱ Նովոստին։

«Ուկրաինան ինքը պետք է որոշի, թե որ պայմաններն են ընդունելի բանակցությունների համար և, ինչն է ավելի կարևոր , թե որ պայմաններն են ընդունելի համաձայնագրի համար։ ՆԱՏՕ-ի դաշնակիցների պատասխանատվությունը Ուկրաինային աջակցելն է»,-ասել է Ստոլտենբերգը։

Նրա խոսքով՝ այն, թե որքանով ընդունելի կլինեն բանակցությունների պայմանները, կախված է այն օգնությունից, որը ցուցաբերում են դաշինքի երկրները։