Հայաստանը չի մասնակցել Մակեդոնիայում կայացած ՀԱՊԿ հանդիպմանը
30/11/2023 21:21
![Հայաստանը չի մասնակցել Մակեդոնիայում կայացած ՀԱՊԿ հանդիպմանը](https://times.am/v3/wp-content/uploads/2023/11/40265076_0_0_1601_901_1920x0_80_0_0_9e66f957d2cf021806708f0a490deaa6-1200x630.jpg)
Նմանատիպ
Հայաստանը չի մասնակցել Մակեդոնիայի մայրաքաղաք Սկոպյեում կայացած Հավաքական անվտանգության պայմանագրի կազմակերպության անդամ երկրների ներկայացուցիչների հերթական աշխատանքային հանդիպմանը։ Այս մասին տեղեկացնում է Sputnik Արմենիան՝ հղում անելով ՀՀ ԱԳՆ լրատվական ծառայությանը։
Այսօր՝ նոյեմբերի 30-ին, Սկոպյեում կայացել է Հավաքական անվտանգության պայմանագրի կազմակերպության անդամ երկրների ներկայացուցիչների հերթական աշխատանքային հանդիպումը՝ ԵԱՀԿ նախարարների խորհրդի նիստի շրջանակում։
Հիշեցնենք` ՀՀ արտգործնախարար Արարատ Միրզոյանը Սկոպյեում այսօր հանդիպում էր ունեցել ՌԴ ԱԳ նախարար Սերգեյ Լավրովի հետ, որի ընթացքում ներկայացրել է երկկողմ օրակարգերի վերաբերյալ հայկական կողմի դիրքորոշումները։
Հետևեք մեզ նաև Telegram-ում