ԵՄ-ն պատրաստվում է մաքսատուրք սահմանել Ռուսաստանից և Բելառուսից հացահատիկի ներկրման համար

Եվրամիությունը մտադիր է առաջիկա օրերին Ռուսաստանից և Բելառուսից հացահատիկի ներկրման համար մաքսատուրք սահմանել 95 եվրո մեկ տոննայի դիմաց։ Այս մասին հայտնում է Financial Times-ը՝ հղում անելով աղբյուրներին։

«Եվրամիությունը պատրաստվում է մաքսատուրքեր սահմանել Ռուսաստանից և Բելառուսից հացահատիկի ներմուծման վրա՝ հանգստացնելու ֆերմերներին և որոշ անդամ երկրներին», – ասվում է հայտարարությունում:

Թերթի աղբյուրների փոխանցմամբ՝ նման քայլը կբերի գների առնվազն 50%-ով թանկացման։ Ինչպես նշվել է, մաքսատուրքեր կսահմանվեն նաև յուղոտ սերմերի և դրանց վերամշակված արտադրանքի վրա։