Google-ին մեղադրանք է առաջադրվել արդար մրցակցային պայմաններ չապահովելու համար

Tuta Mail-ը մեղադրել է Google-ին՝ շուկայում իր գերիշխող դիրքը չարաշահելու և մրցակից փոստային ծառայությունների որոնումն օգտատերերի համար դժվարացնելու մեջ։

Tuta Mail-ըպնդում է, որ տասնյակ միլիոնավոր օգտատերեր է ունեցել՝ ամբողջ աշխարհից, բայց մարտ ամսից սկսած  Google-ի որոնման դաշտում «ծածկագրված էլեկտրոնային փոստ»-ի համար տեսանելի տեղում չի երևում։

Ընկերությունը հայց է ներկայացրել՝ պնդելով, թե Google-ը, որն ունի չափազանց հայտնի  Gmail ծառայությունը,  վնաս է հասցրել մրցակից բիզնեսին։

Tuta Mail-ը նշել է, որ իր վարկանիշը 2024թ․ մարտին կտրուկ ընկել է՝ որպես անվտանգ էլեկտրոնային փոստ։ Ընկերության ներկայացմամբ՝ ամենամսյա այցելություններն իր էջ մոտ 90 տոկոսով կրճատվել են։

Google-ը պետք է անհապաղ դադարեցնի այդ անարդար սահմանափակումները՝ կապված մեր կայքի տեսանելիության հետ»,-ասել է Tuta Mail-ի համահիմնադիրը։

Google-ն իր հերքել է մեղադրանքը՝ վստահեցնելով, որ Tuta Mail-ը շարունակում է մնալ հեշտ հասանելի իր որոնման համակարգով։

Google-ի ալգորիթմը մի շարք գործոններ է օգտագործում։ Երբ ալգորիթմը թարմացվում է, այն կարող է ազդեցություն գործել կայքերի վրա, ինչն արտացոլվում է այցելություններով։

Մարտի սկզբին թարմացում է եղել, որի արդյունքում Google-ը զգուշացրել է, որ վարկանիշի հետ կապված ավելի շատ տատանումներ կարող են լինել։ Միևնույն ժամանակ, ընկերությունը հերքել է, որ թարմացումները նախատեսված են այս կամ այն կայքին աջակցելու համար՝ այդ թվում սեփականը։