Մոսկվայում ձերբակալել են Բաքվից եկած ահաբեկչի

Մոսկվայի Միչուրինի պողոտայում ոստիկանները փաստաթղթերը ստուգելու նպատակով կանգնեցրել են մի տղամարդու։ Պարզվել է, որ նա «Ջեբհաթ ան Նուսրա» խմբավորման՝ «Ալ Քաիդայի» բաժանմունքի զինյալ է, որը հետախուզման մեջ է գտնվում Ինտերպոլի կողմից: Այս մասին փոխանցում է ՏԱՍՍ գործակալությունը, հղում անելով իրավապահ մարմինների իր աղբյուրներին։

Գործակալության զրուցակցի խոսքով՝ ձերբակալվածը Ադրբեջանի 37-ամյա քաղաքացի է։ Նա Ինտերպոլի կողմից հետախուզման մեջ է գտնվում Բաքվի պահանջով, նրան մեղադրում են զինված կազմավորում ստեղծելու և քրեական հանրություն կազմակերպելու մեջ։

Տղամարդը 2013-ին մեկնել Էր Սիրիա, որտեղ անդամագրվել էր ահաբեկչական խմբավորմանը։ Նրա ձերբակալության օրդերը տրվել է 2019 թվականին ։