Իսրայելցի զինվորականները հարձակվել են Թուրքիայի լրագրողական խմբի վրա

Հուլիսի 26-ին «TRT Haber» թուրքական պետական հեռուստաալիքի նկարահանող խումբը ենթարկվել է հարձակման՝ իսրայելցի զինվորականների կողմից:

Հարձակումը տեղի է ունեցել Արևելյան Երուսաղեմում գտնվող Ալ-Աքսա մզկիթի դարպասների մոտ պաղեստինցիների մուտքն արգելելու նպատակով նրանց դեմ ուժի կիրառումը լուսաբանելու ընթացքում:

Նշվում է, որ այդ ընթացքում զինվորականները խլել են «TRT Haber»-ի թղթակից բջջային հեռախոսը և ջնջել դրանում եղած տեսանյութերը:

Թուրքիայի նկարահանող խմբին թույլ չի տրվել հեռարձակում իրականացնել նաև դեպքի վայրից հեռվանալու պարագայում: