Ռուս-ուկրաինական կոնֆլիկտում ԱՄՆ-ն այլևս նախկին բեռն իր ուսերին չի կրի․ ՆԱՏՕ

ՆԱՏՕ-ի երկրները պատրաստվում են նրան, որ ԱՄՆ-ն կսկսի ավելի քիչ դեր խաղալ Ուկրաինային աջակցելու հարցում՝ դաշինքի մյուս անդամների վրա ավելի մեծ ծանրաբեռնվածություն դնելով։ Այս մասին հայտնում է CNN հեռուստաալիքը՝ վկայակոչելով դաշինքի ներկայացուցիչներին:

«Մենք չենք կարող ակնկալել, որ ԱՄՆ-ն կշարունակի իր վրա վերցնել չափազանց մեծ բեռ, ուստի դաշինքի գլխավոր քարտուղարը ցանկանում է, որ ՆԱՏՕ-ն Կիևին օգնություն ցուցաբերելու հարցում դառնա առաջատար, այլ ոչ թե դա մնա միայն ԱՄՆ-ի ուսերին»,-նշում է CNN-ը:

Պաշտպանական դաշինքի ներկայացուցիչը հավելել է, որ Եվրոպան պետք է ավելացնի Կիևին օգնելու ջանքերը նաև հաշվի առնելով ԱՄՆ նախկին նախագահ Դոնալդ Թրամփի հավանական հաղթանակը նոյեմբերի 5-ի նախագահական ընտրություններում: