Deep Seek-ը դադարեցրել է նոր օգտատերերի գրանցումը

Deep Seek չաթ-բոտը դադարեցրել է նոր օգտատերերի գրանցումը։ Այս մասին գրում է ՏԱՍՍ-ը։

Ըստ տեղեկության՝ պատճառը զանգվածային վնասակար հարձակումներն են։ Օգտատերերի գրանցման ժամանակ համապատասխան ծանուցում է հայտնվում։

«Deep Seek-ի ծառայությունների վրա զանգվածային վնասակար հարձակումների պատճառով գրանցումը կարող է դադարեցվել»,-ասվում է ծանուցման մեջ:

Նոր օգտատերերին առաջարկվում է ավելի ուշ կրկին փորձել։ Նրանք, ովքեր արդեն գրանցված են, խրախուսվում են մուտք գործել առանց սահմանափակումների:

Չինական DeepSeek ընկերությունը հունվարի 20-ին թողարկել է չաթ-բոտի նոր տարբերակ՝ R1, որը, ինչպես ասում են, գերազանցում է ամերիկյան OpenAI ընկերության ChatGPT առաջատար տարբերակը: Փորձագետները նշում են, որ չինական չաթ-բոտի գեներացնողներն ավելի քիչ միջոցներ են ծախսել, քան OpenAI-ի մշակողները։

Ամերիկյան տեխնոլոգիական Nasdaq ինդեքսը ավելի քան 3 տոկոսով անկում է ապրել, OpenAI-ի համար թանկարժեք չիպերի մատակարար NVidia ընկերության բաժնետոմսերը նվազել են 16,86 տոկոսով: