300 հազար ադրբեջանցի կգա Հայաստան, իսկ Սյունիքից մի հատված կտրվի Ադրբեջանին․ Օսկանյան

Մեղրին իմ նախարարության օրոք իր տեղում էր, Արցախը՝ փաստացի անկախ։ Այս մասին այսօր տեսաուղերձի ընթացքում հայտարարել է ՀՀ ԱԳ նախկին նախարար Վարդան Օսկանյանը։

«Հայաստանի առջև ծառացած վտանգները մեծ են, ժամանակն արագ է անցնում, սերունդներ են փոխվում։ Մինչև 2008 թվականը՝ իմ նախարարության 10 տարիներիները, եղել են Հայաստանի վերելքի տարիներ։ Արցախը՝ իր հարակից տարածքներով հանդերձ, եղել է անկախ, Հայաստանի սահմանները՝ անխոցելի, Մեղրին էլ՝ իր տեղում է եղել, ունեցել ենք հուսալի դաշնակիցներ և՛ Արևելքում, և՛ Արևմուտքում։ Հայաստանն իր հստակ տեղն ու դերը ուներ տարածաշրջանային քաղաքականության մեջ։ Թուրքիայի հետ երկխոսություն ենք ունեցել, Ադրբեջանի հետ ունցել ենք դինամիկ բանակցային գործընթաց», – իր խոսքում նշել է նախկին նախարարը։

Օսկանյանը համոզված է, որ եթե ճիշտ դիվանագիտություն չվարվի, ապա 300.000 ադրբեջանցի գալու է Հայաստան և որ ամենավտանգավորն է՝ Սյունիքից մի հատված տրվելու է Ադրբեջանին։