Հովիկ Աղազարյանը համաձայն է Ռոբերտ Քոչարյանի որոշ մտքերի հետ
Կարդացեք նաև
Դիտեցի Հայաստանի Հանրապետության նախկին ղեկավարներից մեկի` Ռոբերտ Քոչարյանի մամուլի ասուլիսը։ Այս մասին գրել է ՔՊ-ից հեռացված ԱԺ պատգամավոր Հովիկ Աղազարյանը
«Կային մտքեր, որոնց հետ համաձայն եմ։ Կային մտքեր, որոնց հետ համաձայն չեմ։ Կային մտքեր, որոնք լղոզված էին։
Ուշադրությունս գրավեց դիտարկումը, որ Բաքվում տեղի ունեցողը ոչ թե դատավարություն է Արցախի ռազմաքաղաքական ղեկավարության նկատմամբ այլ` Հայաստանի։ Համաձայն եմ։ Հայոց պատմության մեջ չգիտեմ երկրորդ այդպիսի զազրելի ու նվաստացուցիչ դեպք։
Անկախ իմ բացասական վերաբերմունքից Արցախի, գրեթե ողջ, ռազմաքաղաքական ղեկավարության նկատմամբ, ստեղծված իրավիճակը ողջ հայ ժողովրդի ամոթն է։
Մի կողմ թողնենք իշխանությունների պատասխանատվության աստիճանի գնահատման հարցը։ Վստահաբար կարող եմ ասել, որ և՜ Ռոբերտ Քոչարյանը, և՜ Սերժ Սարգսյանը, ցանկության դեպքում, կարող էին թույլ չտալ դեպքերի նման ընթացք։ «Ինչու՞ չեն արել» հարցը պատասխան է պահանջում»,- գրել է Աղազարյանը։
Հետևեք մեզ նաև Telegram-ում