Skype-ը մայիսից անհասանելի կլինի

Ամերիկյան Microsoft ընկերությունը 2025 թվականի մայիսին վերջնականապես կանջատի Skype ծառայությունը։ Այս մասին հայտնում է XDA Developers պրոֆիլային պորտալը։

Ըստ նրա՝ վերջին թարմացումը պարունակում է մի տող, որում օգտատերերին կոչ է արվում անցնել Teams ծառայությանը։ «Skype-ը մայիսից անհասանելի կլինի։ Օգտագործեք Teams զանգերի և զրույցների համար»,- ասվում է հաղորդագրության մեջ։

Skype հարթակը գործարկվել է 2003 թվականին, 2011-ին այն ձեռք է բերվել Microsoft ընկերության կողմից։ Պորտալը հիշեցնում է, որ 2017 թվականին Microsoft-ը Skype-ի նմանությամբ գործարկել է Teams հարթակը։

Ընկերությունն այդ ժամանակից ի սկսած «բավականին ագրեսիվ» խթանում է Teams ծառայությունները։ Ինչպես նշում է XDA Developers-ը, Microsoft-ն այս պահին հրաժարվում է թեմայի վերաբերյալ մեկնաբանություններից: